AZƏRBAYCAN MİLLİ                  ELMLƏR AKADEMİYASI
İCTİMAİ ELMLƏR BÖLMƏSİ
Milli Azərbaycan Tarixi Muzeyinin əməkdaşları “Nə mutlu türkəm deyənə” adlı tədbirdə iştirak ediblər
May 04, 2017 | 12:05 / Konfranslar, iclaslar
Oxunub 2554 dəfə

Azərbaycan Britaniya Kollecinin təşkilatçılığı ilə “Nə mutlu türkəm deyənə” adlı ikihissəli tədbir keçirilib.

Tədbirin keçirilməsində məqsəd türkdilli dövlətlərin tarixi, mədəniyyəti, milli mətbəxi ilə gəncləri və xarici qonaqları tanış etmək olub.

Mərasimdə Milli Azərbaycan Tarixi Muzeyinin Xarici əlaqələr və elmi kütləvi iş şöbəsinin müdiri Emin Dadaşov, şöbənin aparıcı elmi işçisi Nardanə Yusifova, kiçik elmi işçisi Nüşabə Əsədova və muzeyin meneceri Kübra Dadaşova iştirak ediblər.

Tədbirdə kollecin şagirdlərinin hazırladığı musiqili çıxışlar səsləndirilib, həmçinin məktəblilərin əl işləri nümayiş olunub.

Sərgidə muzeyin Bərpa laboratoriyasının bərpaçı-rəssamı Təhsib Zəvərlinin hazırladığı saxsı nümunələri və laboratoriyanın bərpaçı-dizayneri Vüqar Xudaverdiyev tərəfindən hazırlanmış, üzərində türk ornamentləri təsvir olunan zinyət əşyaları da nümayiş edilib. Bundan əlavə, muzeyin elmi-kütləvi fəaliyyətini əks etdirən ingilis dilli kataloq və albomlar sərgi iştirakçıları tərəfindən maraqla qarşılanıb.

Sonda Milli Azərbaycan Tarixi Muzeyi “Təşəkkürnamə” ilə təltif olunub.

Copyright © AMEA İnformasiya Texnologiyaları İnstitutu, 2015